Palus a Castiel La letra

El mieu buelu xepe d'antoña, huérfanu desde mui nenu
Trabachador ya llabrador, artesanu ya madreñeiru
Prestaba-lle siempres tener pa llabrar él los sous eiros
Ya bona parexa de bueis ya que touvieran bon pelu

Un anu que vienu mui malu ya que poucu pan recochenon
Mieu buelu nun quixo deixar a la parexa sin piensu
La mia bisabuela antoña, vía las arcas dire a menos
L'infeliç sufría muithu pensando nu llargu iviernu

El fichu dando-se cuenta la sua madre'l sufrimientu
Antias de que yá fora tarde quixo atoupare rumediu
Yera tan trabachador cuandu diba de pregueiru
De las matas de los praos traía mangos de friesnu

De rebollu ya d'ablanu guichadas tenía por cientos
Metidinas polos veiriles de las suas cortes de teithu
Prencipióu a cargare'l carru, con palos ya de tou eso
Yá cuandu lu tuvo bien chenu atoulu con muithu tientu

Ya dixo-lle a la sua madre: Prepáreme usté la merienda
La mantina ya'l farol, pa los bueis bastante piensu
Y al outru día templanu esta fixo-lle l'almuerçu
Cona caçolada de lleite, ya las sopas d'auchu con huevu

Ya marchóu'l mieu güelicu cumo cualquier arrieiru
A castiella a vender palos, porque eillí nun se daba d'essu
Volvíu a los poucos días ya venía mui contentu
Cona carga que llevaba de tríu trux el carru chenu

José Manuel Sabugo - Letras

• Palus a Castiel La